Breaking: చెరువులో పడి ముగ్గురు బాలికలు మృతి

దిశ, వెబ్ డెస్క్: తిరుపతి జిల్లాలో విషాదం చోటు చేసుకుంది. ప్రమాదవశాత్తు ముగ్గురు బాలికలు మృతి చెందారు. వడమాలపేట మండలం ఎస్బీఆర్‌పురానికి చెందిన బాలికలు స్థానిక శివాలయం వద్దకు వెళ్లారు. ఆ తర్వాత శివాలయం పక్కనే ఉన్న చెరువు దగ్గరకు సైతం వెళ్లారు. అయితే ప్రమాదవశాత్తు ముగ్గురు బాలికలు చెరువులో పడ్డారు. తొలుత ఓ బాలిక పడటంతో మిగిలిన ఇద్దరూ రక్షించే ప్రయత్నం చేశారు. కానీ వాళ్లు కూడా చెరువులో పడ్డారని తెలుస్తోంది. చెరువులో పడిన వెంటనే నీటిలో మునిగిపోయి ఊపిరాడక ప్రాణాలు విడిచారు. స్థానికులు కాపాడే ప్రయత్నం చేసినా ఫలితం లేకుండా పోయింది. ముగ్గురు బాలికల మృతదేహాలను బయటకు తీసి పోస్టుమార్టంకు తరలించారు. పోలీసులు కేసు నమోదు చేసి దర్యాప్తు చేస్తున్నారు. ముగ్గురు బాలికల మృతిలో స్థానికంగా విషాద ఛాయలు అలుముకున్నాయి.