CM Chandrababu:నేడు రామోజీరావు జయంతి.. సీఎం చంద్రబాబు ఆసక్తికర ట్వీట్

దిశ,వెబ్‌డెస్క్: నేడు(నవంబర్ 16) రామోజీ గ్రూప్ సంస్థల వ్యవస్థాపకుడు(Founder of Ramoji Group of Companies), దివంగత రామోజీరావు(Ramoji Rao) జయంతి సందర్భంగా ఏపీ సీఎం చంద్రబాబు(AP CM Chandrababu) నివాళి అర్పించారు. ఈ సందర్భంగా ట్విట్టర్(Twitter) వేదికగా సీఎం చంద్రబాబు స్పందిస్తూ.. కీలక వ్యాఖ్యలు చేశారు. విలువలతో కూడిన పాత్రికేయంతో, నిష్పక్షపాత వైఖరితో సమాజంపై తిరుగులేని ముద్ర వేసిన మహనీయుడు రామోజీరావు అని కొనియాడారు. వ్యాపారాలలో సైతం సమాజహితం, ప్రజా శ్రేయస్సు చూపిన ఏకైక వ్యాపారవేత్త రామోజీరావు అని సీఎం చంద్రబాబు కితాబునిచ్చారు. తన సంస్థల ద్వారా సమాజాన్ని అత్యంత ప్రభావితం చేసిన రామోజీరావును స్మరించుకోవడం ప్రతి ఒక్కరి బాధ్యత అని అన్నారు. నిత్య స్ఫూర్తిగా నిలిచే రామోజీరావు జీవితాన్ని మార్గదర్శిగా భావించి అందరం ముందడుగు వేద్దామని ఎక్స్(X) వేదికగా సీఎం చంద్రబాబు పిలుపునిచ్చారు.