ప్రచారానికి వెళ్లిన ఆ పార్టీ ఎమ్మెల్యే అభ్యర్థిని నిలదీసిన మహిళలు..?

దిశ ప్రతినిధి,విశాఖపట్నం:భీమునిపట్నం శాసనసభ్యుడు అవంతి శ్రీనివాస్ ను జనం నిలదీశారు. పద్మనాభం మండలం బాందేపురం,విలాస్టాన్ వాని పాలెం గ్రామంలో ఎన్నికల ప్రచారానికి వెళ్లిన ఎమ్మెల్యే అవంతిని, వైసీపీ నాయకులను స్థానిక మహిళలు గ్రామ సమస్యల పై నిలదీశారు. ఎన్నికలు వేళ మాత్రమే ప్రజలు గుర్తుకు వస్తున్నారా అని ప్రశ్నించారు.గ్రామంలో అనేక సమస్యలు ఉన్న ఎందుకు మీరు పట్టించుకోవడం లేదని ఆగ్రహం వ్యక్తం చేశారు.

ఈ ఐదేళ్లలో తాగునీటి సమస్య,డ్రైనేజీ సమస్య అధికంగా ఉందని దీనిపై పలుమార్లు స్థానిక వైసీపీ నాయకులకు పంచాయతీ కార్యదర్శికి ఫిర్యాదు చేసిన నేటికీ సమస్య పరిష్కరించలేదని మహిళలు నిలదీశారు.ఇప్పుడు వచ్చి ఓటు వేయండి అంటే మేము ఎందుకు ఓటు వేయాలని ప్రశ్నించరు. త్వరలోనే ఆ సమస్యలను పరిష్కరిస్తామని హామీ ఇచ్చి వైసీపీ కరప్రతాలను పంచి అవంతి అక్కడ నుంచి వెనుదిరిగారు.