ఎనిమిదో తరగతి విద్యార్థిని చితకబాదిన ఉపాధ్యాయుడు

దిశ, రాయచోటి: టి.సుండుపల్లి, జిల్లా పరిషత్ ఉన్నత పాఠశాలలో ఓ ఉపాధ్యాయుడు ఎనిమిదో తరగతి చదువుతున్న విద్యార్థి నీ చితక బాదిన ఘటన చోటుచేసుకుంది. దిగువవాండ్లపల్లి చెందిన విద్యార్థి తల్లిదండ్రులు జిల్లా పరిషత్ ఉన్నత పాఠశాల వద్ద ధర్నాకు దిగారు. ఎందుకు కోట్టారని తల్లిదండ్రులు ప్రశ్నిస్తే మీకు దిక్కున్నచోట చెప్పుకోండని సంఘటన స్థలం నుంచి ఉడాయించాడని తల్లిదండ్రులు వాపోయారు. దాదాపు రెండు గంటల నుంచి కళాశాల వద్ద ఆందోళన చేస్తున్న గ్రామస్తులు.. ఈ సంఘటనను దారి మళ్ళించే విధంగా సహాయ సహకారాలు చేస్తున్న పలు ఉపాధ్యాయులు తల్లిదండ్రులకు మందలిస్తున్నట్లు సమాచారం. గంటల తరబడి తల్లిదండ్రులు న్యాయం జరిగే వరకు ఇక్కడ నుంచి కదిలేది లేదని భీష్మించుకొని గ్రామస్తులు కూర్చున్నారు.