sunday effect: తిరుమలలో కొనసాగుతున్న భక్తుల రద్దీ

దిశ, వెబ్ డెస్క్: వారాంతపు సెలవులు కావడంతో తిరుమలలో భక్తుల రద్దీ కొనసాగుతుంది. టోకెన్లు లేని భక్తులకు సర్వదర్శనానికి 18 గంటల సమయం పడుతున్నట్లు సమాచారం. శ్రీవారి సర్వదర్శనానికి 19 కాంపార్ట్‌మెంట్లలో భక్తులు వేచి ఉన్నారు. దాదాపు 72, 631 మంది స్వామి వారిని దర్శించుకున్నారు. 38, 529 మంది తలనీలాలకు సమర్పించుకున్నారు. నిన్న హుండీ ద్వారా రూ. 2.85 కోట్ల ఆదాయం వచ్చినట్టు టీటీడీ తెలిపింది. ముఖ్యంగా ఈ రోజు ఆదివారం కావడంతో శ్రీవారిని పూజించేందుకు భక్తులు భారీగా తరలి వచ్చినట్లు సమాచారం.