Nellore: అయ్యప్ప దీక్షలో ముస్లిం సంప్రదాయం.. ఎమ్మెల్యే అనిల్ ఇంటి వద్ద తీవ్ర ఉద్రిక్తత
నెల్లూరులో ఉద్రిక్తత చోటు చేసుకుంది. మాజీ మంత్రి, ఎమ్మెల్యే అనిల్ కుమార్ యాదవ్ ఇంటి వద్ద బీజేవైఎం నేతలు ఆందోళనకు దిగారు.
దిశ వెబ్ డెస్క్: నెల్లూరులో ఉద్రిక్తత చోటు చేసుకుంది. మాజీ మంత్రి, ఎమ్మెల్యే అనిల్ కుమార్ యాదవ్ (Mla Anil Kumar Yadav) ఇంటి వద్ద బీజేవైఎం (Bjym) నేతలు ఆందోళనకు దిగారు. అయ్యప్ప దీక్ష (Ayyappa diksha)లో ఉన్న అనిల్.. ముస్లిం సంప్రదాయం పాటించడంపై ఆగ్రహం వ్యక్తం చేశారు. అనిల్ ఇంటిని ముట్టడించారు. క్షమాపణ చెప్పాలని డిమాండ్ చేశారు. దీంతో బీజేవైఎం కార్యకర్తలు, అనిల్ అనుచరులకు మధ్య తోపులాట జరిగింది. పరస్పరం రాళ్ల దాడి చేసుకున్నారు. రంగంలోకి దిగిన పోలీసులు కొందరు బీజేవైఎం కార్యకర్తలను అదుపులోకి తీసుకున్నారు. అయితే ఎమ్మెల్యే అనిల్ క్షమాపణ చెప్పాలని బీజేపీ రాష్ట్ర అధ్యక్షుడు సోము వీర్రాజు కూడా డిమాండ్ చేశారు.
కాగా ఎమ్మెల్యే అనిల్ కుమార్ అయ్యప్ప మాల వేశారు. అయితే మాలలోనే ముస్లిం కార్యక్రమానికి హాజరయ్యారు. ముస్లిం సంప్రదాయం ప్రకారం వారిని కలిశారు. దీన్నే బీజేవైఎం తప్పుబట్టింది. అయ్యప్ప దీక్షలో ఉండి ముస్లిం సంప్రదాయం పాటించడం సరికాదని మండిపడుతోంది.
READ MORE