Nellore: ముత్తుకూరులో విషాదం.. యువకుడు మృతి

దిశ, నెల్లూరు: నెల్లూరు జిల్లా ముత్తుకూరులోని పెద్ద చెరువులో గల్లంతైన యువకుడు మృత్యువాత పడ్డాడు. యువకుడి మృతదేహాం చెరువులో తేలియాడుతూ కనిపించింది. ముత్తుకూరు ఇందిరమ్మ కాలనీకి చెందిన చరణ్ అనే యువకుడు ఇద్దరు స్నేహితులతో కలిసి చెరువులో ఈతకు వెళ్లాడు. కొద్ది సేపు సరదాగా ఈత కొట్టిన తర్వాత చరణ్ కనిపించలేదు. దీంతో స్నేహితులు అక్కడి నుండి వెళ్లిపోయారు. ఎంతసేపయినా చరణ్ ఇంటికి రాకపోవడంతో స్నేహితులను చరణ్ తల్లిదండ్రులు ప్రశ్నించారు. చెరువులో ఈతకు వెళ్లామని ఆ తర్వాత చరణ్ కనిపించలేదని చెప్పారు. దీంతో తల్లిదండ్రులు ముత్తుకూరు పోలీసులకు ఫిర్యాదు చేశారు. అయితే చరణ్ మృతదేహం చెరువులో తేలియాడుతూ కనిపించింది. పోలీసులు మృతదేహాన్ని బయటకు తీసి చరణ్‌దిగా నిర్ధారించారు. మృతదేహాన్ని పోస్టుమార్టం కోసం నెల్లూరు జీజీహెచ్‌కు తరలించారు. కేసు దర్యాప్తు చేస్తున్నారు.