‘చెత్తను తొలగించారు’.. దిశ కథనానికి స్పందన

దిశ,కారంపూడి: కారంపూడి పట్టణ పరిధిలో దిశ పేపర్ కథనానికి స్పందన లభించింది. బుధవారం వెలువడిన "డంపింగ్ యార్డు లా రోడ్డు "అనే వార్త కథనంపై గ్రామ పంచాయతీ కార్యదర్శి కషిన్యా నాయక్ స్పందించారు. గురువారం గ్రామ పంచాయతీ పారిశుద్ధ్య కార్మికుల సహాయంతో పట్టణ పరిధిలో రోడ్డు పక్కన ఉన్న వ్యర్థాలను తొలగించారు. ఇకపై రోడ్డు పక్కన వ్యర్థాలు వేయకుండా పర్యవేక్షిస్తారు అన్నారు. ఈ క్రమంలో “దిశ పత్రిక" పట్ల పట్టణ ప్రజలు హర్షం వ్యక్తం చేశారు