చంద్రబాబు గెలిస్తే రాక్షస రాజ్యమే..ముద్రగడ సంచలన వ్యాఖ్యలు

దిశ,వెబ్‌డెస్క్: ఏపీలో సార్వత్రిక ఎన్నికల నామినేషన్ల పర్వం కొనసాగుతోంది. అంతేకాదు అన్ని పార్టీల అభ్యర్థులు ప్రచార జోరు పెంచాయి. ఈ క్రమంలో పార్టీ నేతల మధ్య మాటల యుద్ధం కొనసాగుతుంది. ఈ క్రమంలో వైసీపీ నేత ముద్రగడ టీడీపీ అధినేత నారా చంద్రబాబు పై సంచలన వ్యాఖ్యలు చేశారు. చంద్రబాబు కడుపులో అధికార ఆకలి దహించిపోతుందని వైసీపీ నేత ముద్రగడ పద్మనాభం మండిపడ్డారు. గత చంద్రబాబు పాలనలో రాక్షస రాజ్యం అనుభవించామని అన్నారు. కిర్లంపూడిని పాకిస్తాన్ చేశారని తీవ్ర విమర్శలు చేశారు. చంద్రబాబు ఇస్తున్న మోసపు హామీలను నమ్మితే పేదలకు ఆక్సిజన్ కూడా దొరకదని ఎద్దెవా చేశారు. సీఎం జగన్ అమలు చేసిన సంక్షేమ పథకాలనే ప్రకటిస్తున్న చంద్రబాబు రాక్షస పాలన మనకు అవసరమా అని ప్రశ్నించారు.