దిశ, వెబ్‌డెస్క్: విజయవాడ మాచవరంలో కొండచరియలు విరిగిపడ్డాయి. ఈ ప్రమాదంలో ఒకరు మృతి చెందగా.. మరో ముగ్గురికి గాయాలు కావడంతో హుటాహుటిన ఆసుపత్రికి తరలించారు. కాగా.. గత వారం రోజులుగా భారీ వర్షాలతో తెలుగు రాష్ట్రాలు అతలాకుతలం అవుతున్న విషయం తెలిసిందే. ముఖ్యంగా బుడమేరుకు గండ్లు పడడంతో విజయవాడ మొత్తం నీటమునిగింది. దీంతో ఆ ప్రాంత ప్రజలంతా జలదిగ్భంధంలో చిక్కుకుని నానా అవస్థలు పడుతున్నారు. ప్రభుత్వం వారందరికీ ఆహార పదార్థాలు, మెడిసిన్స్ పంపిణీ చేస్తూ ఆదుకుంటోంది. ఇప్పటికే గండ్లు పూడ్చి నీటి పారుదలను కట్టడి చేసింది. ఇలాంటి టైంలో మాచవరంలో కొండచరియలు విరిగిపడడం, ఈ ప్రమాదలో ఓ వ్యక్తి మృచెందడంతో స్థానికులు భయాందోళనలకు గురవుతున్నారు.