Kurnool: అక్రమ సంబంధం నేపథ్యంలో వ్యక్తి దారుణ హత్య

దిశ, దేవనకొండ: కర్నూలు జిల్లా దేవనకొండ మండలం పి కోటకొండలో మరొక హత్య కలకలం రేగింది. గ్రామానికి చెందిన బోయలింగన్నకు ముగ్గురు కుమార్తెలు. మూడవ కుమార్తె‌ను పోతుగల్లు గ్రామానికి చెందిన సూర్య ప్రకాష్‌కు ఇచ్చి వివాహం చేశారు. పి కోటకొండ గ్రామంలో మారెమ్మ జాతరకు వచ్చిన సూర్య ప్రకాష్‌ను మామ లింగన్న మొదటి అల్లుడు, మరో ఇద్దరు హత్య చేశారు. అయితే హత్యకు అక్రమ సంబంధమే కారణమని దేవనకొండ పోలీసులు తెలిపారు. హత్య చేసిన ముగ్గురు వ్యక్తులు పరారీలో ఉన్నట్లు చెప్పారు. అయితే పి కోటకొండ అత్యధిక హత్యలు జరిగిన గ్రామంగా పేరు పొందింది. దాదాపు 100 హత్యలు జరిగి ఉంటాయని గతంలో పౌర హక్కుల సంఘం ఒక పుస్తక రూపంలో అచ్చు కూడా వేసింది.