Ap News: సీపీఎం నేతలపై కేసులు

దిశ, ఏపీ బ్యూరో: అంగన్​వాడీ కార్యకర్తల న్యాయమైన డిమాండ్లు నెరవేర్చాలని తలపెట్టిన చలో విజయవాడ కార్యక్రమంపై పోలీసులు ఉక్కుపాదం మోపారు. అంగన్​వాడీల ఉద్యమానికి సంఘీభావంగా సీపీఎం రాష్ట్ర కార్యాలయం నుంచి ప్రదర్శనగా వెళుతున్న ఆ పార్టీ రాష్ట్ర కార్యదర్శి వీ శ్రీనివాసరావు, రాష్ట్ర నాయకులు సీహెచ్​ బాబూరావు, వీ వెంకటేశ్వర్లు, ఎన్టీఆర్​ జిల్లా కార్యదర్శి డీవీ కృష్ణతోపాటు మరికొందరు నేతలను పోలీసులు అరెస్టు చేశారు. ఇబ్రహీం పట్నం పోలీసు స్టేషన్​కు తరలించారు. గవర్నర్​ పేట పోలీసులు మొత్తం 14 మంది సీపీఎం నేతలపై ఐపీసీ 143,188,341 రెడ్​ విత్​, 149 సెక్షన్ల కింద కేసులు నమోదు చేశారు. పోలీసులు అక్రమ కేసులు బనాయించడాన్ని నాయకులు తీవ్రంగా ఖండించారు