Breaking: ముగిసిన చంద్రబాబు కస్టడీ.. సీఐడీ మరో పిటిషన్

దిశ, వెబ్ డెస్క్: ఏపీ మాజీ ముఖ్యమంత్రి, టీడీపీ అధినేత చంద్రబాబు కస్టడీ ముగిసింది. రాజమండ్రి సెంట్రల్ జైలులో రెండు రోజుల పాటు చంద్రబాబును సీఐడీ అధికారులు ప్రశ్నించారు. అయితే చంద్రబాబు చాలా ప్రశ్నలకు సమాధానాలు దాట వేశారని అధికారులు అంటున్నారు. ఈ మేరకు ఏసీబీ కోర్టులో పిటిషన్ దాఖలు చేశారు. కస్టడీని పొడిగించాలని కోరారు. ప్రస్తుతం చంద్రబాబును ఏసీబీ కోర్టు న్యాయమూర్తి ఎదుట ప్రవేశపెట్టారు. వర్చువల్ విధానంలో రాజమండ్రి జైలు నుంచే చంద్రబాబు న్యాయమూర్తి ఎదుట హాజరయ్యారు. అయితే సీఐడీ పిటిషన్‌పై చంద్రబాబు తరఫు న్యాయవాదులు అభ్యంతరం వ్యక్తం చేశారు. ప్రస్తుతం చంద్రబాబు రిమాండ్ కూడా ముగియడంతో ఎలాంటి తీర్పు ఉంటుందోననే ఉత్కంఠ టీడీపీ శ్రేణుల్లో నెలకొంది.