ఏపీకి బిగ్ అలర్ట్.. ఈ జిల్లాలో పిడుగులతో కూడిన వర్షం..!

దిశ ప్రతినిధి, విశాఖపట్నం: రానున్న 5 రోజులు కోస్తాంధ్రలో కొన్నిచోట్ల తేలికపాటి నుంచి మోస్తారు వర్షాలు కురిసే అవకాశం ఉందని విపత్తుల సంస్థ ఎండి రోణంకి కూర్మనాథ్ వెల్లడించారు. ఆదివాకం విజయనగరం, పార్వతీపురంమన్యం, అల్లూరి సీతారామరాజు, కర్నూలు, నంద్యాల, అనంతపురం జిల్లాల్లో అక్కడక్కడ పిడుగులతో కూడిన తేలికపాటి వర్షాలు కురిసే అవకాశం ఉందన్నారు. ఉరుములతో కూడిన వర్షం పడేపుడు ప్రజలు అప్రమత్తంగా ఉండాలన్నారు. పొలాల్లో పనిచేసే రైతులు, వ్యవసాయ కూలీలు, పశు-గొర్రెల కాపరులు చెట్లు, పోల్స్, టవర్స్ క్రింద, బహిరంగ ప్రదేశాల్లో ఉండరాదని సూచించారు. ఇప్పటికే పలు చోట్ల వర్షం కురిసింది. ప్రకాశం జిల్లా బెస్తవారిపేటలో 36 మిమీ, నెల్లూరు జిల్లా దుత్తలూరులో 32.7మిమీ, వరికుంటపాడు 28.5మిమీ, అనంతపురం జిల్లా యాడికిలో 26మిమీ చొప్పున వర్షపాతం నమోదైందని కూర్మనాథ్ వెల్లడించారు.