తిరుమల శ్రీవారిని దర్శించుకున్న కేంద్ర మంత్రి

దిశ,వెబ్‌డెస్క్: తిరుమల శ్రీ వేంకటేశ్వరస్వామి వారిని కేంద్రమంత్రి నితిన్ గడ్కరీ నేడు(గురువారం) తెల్లవారుజామున దర్శించుకున్నారు. టీటీడీ అధికారులు కేంద్రమంత్రికి స్వాగతం పలికి దర్శన ఏర్పాట్లు చేశారు. అనంతరం తోమాల సేవలో ఆయన పాల్గొన్నారు. ప్రత్యేక పూజలు నిర్వహించిన అర్చకులు ఆయనకు తీర్థప్రసాదాలు అందజేశారు. ఈక్రమంలో ఆయన శ్రీవారిని దర్శించుకుని మొక్కులు చెల్లించుకున్నారు. నిన్న(బుధవారం) ఏపీ పర్యటనకు వచ్చిన కేంద్ర మంత్రి నితిన్ గడ్కరీ పలువురు అధికారులతో సమావేశమైన సంగతి తెలిసిందే. మరికాసేపట్లో ఆయన ఢిల్లీకి తిరిగి వెళ్లనున్నారు.