శ్రీవారిని దర్శించుకున్న కేంద్ర హోంమంత్రి అమిత్ షా..

దిశ, తిరుమల: తిరుమల శ్రీవారిని కేంద్ర హోంమంత్రి అమిత్ షా శుక్రవారం దర్శించుకున్నారు. ముందుగా ఆలయ మహాద్వారం వద్దకు చేరుకున్న అమిత్ షా కు టీటీడీ ఈవో ధర్మారెడ్డి, అర్చకులు ఆలయ మర్యాదలతో స్వాగతం పలికారు. అనంతరం గర్భాలయంలోకి వెళ్ళిన అమిత్ షా స్వామివారిని దర్శించుకుని మొక్కులు చెల్లించారు. దర్శన అనంతరం అమిత్ షా కు రంగనాయకుల మండపంలో పండితులు ఆశీర్వచనం పలికారు. ఈవో ధర్మారెడ్డి స్వామివారి తీర్థ ప్రసాదాలు, చిత్ర పటాన్ని అందజేశారు అనంతరం ఆయన అతిథి భవనంలో విశ్రాంతి తీసుకుని మధ్యాహ్నం తిరుగు ప్రయాణం అయ్యారు.