పోటీ పత్రికలకు ధీటుగా ‘దిశ’

దిశ, తిరుపతి: అనతి కాలంలోనే పాఠకుల మన్ననలు పొందుతూ పోటీ పత్రికలకు ధీటుగా డిజిటల్ మీడియాలో ‘దిశ’ పత్రిక వేగంగా దూసుకుపోతోందని తిరుపతి కార్పొరేషన్ మేయర్ డాక్టర్ శిరీష కొనియాడారు. ఆదివారం తిరుపతి మేయర్ క్యాంపు కార్యాలయంలో దిశ దినపత్రిక-2024 క్యాలండర్‌ను ఆమె ఆవిష్కరించారు. పత్రికలు కొత్త పుంతలు తొక్కుతున్న సమయంలో పాఠకుల అభిరుచులకు అనుగుణంగా ఎప్పటికప్పుడు తాజా వార్తలు, మారుతున్న రాజకీయ పరిణామాలపై మంచి వార్తలు అందిస్తున్న ‘దిశ’ పత్రిక అభినంద నీయమన్నారు. ‘దిశ’ పత్రిక యాజమాన్యం, ఉద్యోగులు, సిబ్బందికి మేయర్ సంక్రాంతి శుభాకాంక్షలు చెప్పారు.