Tirumala:శ్రీవారిని దర్శించుకున్న పలువురు రాజకీయ ప్రముఖులు

దిశ, తిరుమల: శ్రీ వెంకటేశ్వర స్వామి దర్శనార్థం మంగళవారం ఉదయం నైవేద్యం సమయంలో పలువురు రాజకీయ ప్రముఖులు దర్శించుకున్నారు. వీరిలో ఎమ్మెల్యే ఉగ్ర నరసింహారెడ్డి, ఎంపీ బస్తి పట్టి నాగరాజు, తమిళనాడు ఎంపీ అంబుమని రామదాసు తదితరులు కుటుంబ సభ్యులతో కలిసి వేరువేరుగా స్వామివారికి మొక్కులు చెల్లించుకున్నారు. దర్శనం అనంతరం వీరికి ఆలయ రంగనాయకుల మండపంలో వేద పండితులు వేద ఆశీర్వచనం చేయగా ఆలయ అధికారులు పట్టు వస్త్రాలతో సత్కరించి తీర్థ ప్రసాదాలు అందజేశారు.