Tirumala: శ్రీవారిని దర్శించుకున్న హీరో గోపీచంద్

దిశ, తిరుమల: తిరుమల వేంకటేశ్వర స్వామిని ప్రముఖ తెలుగు సినిమా యాక్షన్ స్టార్ హీరో గోపీచంద్, దర్శకుడు హర్ష దర్శించుకున్నారు. ‘భీమా’ చిత్ర యూనిట్ సభ్యులతో కలిసి వారు శుక్రవారం ఉదయం వీఐపీ బ్రేక్ దర్శన సమయంలో శ్రీవారిని దర్శించుకోవడం జరిగింది. దర్శనం అనంతరం ఆలయంలోని రంగనాయకుల మండపంలో హీరో గోపీచంద్‌ను చిత్ర యూనిట్ సభ్యులను ఆలయ అర్చకులు ఆశీర్వదించి స్వామివారి తీర్థ ప్రసాదాలను అందించారు. ఈ సందర్భంగా ఆలయం వెలుపల హీరో గోపీచంద్ మీడియాతో మాట్లాడారు. తాను ఇటీవల నటించిన ‘భీమ’ చిత్రం విడుదలైన సందర్భంగా తిరుమల శ్రీవారిని దర్శించుకునేందుకు రావడం జరిగిందన్నారు. భీమా చిత్రం కచ్చితంగా మంచి విజయాన్ని అందుకుంటుందని ఆయన ధీమా వ్యక్తం చేశారు.