శ్రీవారి భక్తులకు గుడ్ న్యూస్..టీటీడీ కీలక ప్రకటన!

దిశ,వెబ్‌డెస్క్: తిరుమల శ్రీ వేంకటేశ్వరస్వామి వారి భక్తులకు తాజాగా టీటీడీ గుడ్ న్యూస్ చెప్పింది. ఈ క్రమంలో శ్రీవారి భక్తులకు ఆలయ అధికారులకు కీలక ప్రకటన జారీ చేశారు. శ్రీవారి దర్శనానికి వచ్చే భక్తులకు అక్టోబర్ నెలకు సంబంధించిన ఆర్జిత సేవలు, దర్శనాలు, వసతి గదుల బుకింగ్‌కు సంబంధించిన షెడ్యూల్‌ను నేడు (సోమవారం) టీటీడీ రిలీజ్ చేసింది. అక్టోబర్ నెలకు సంబంధించిన తిరుమల శ్రీవారి ఆర్జిత సేవా టికెట్లు జూలై 18వ తేదీన ఉదయం 10 గంటలకు ఆన్‌లైన్‌లో విడుదల చేయనున్నట్లు టీటీడీ ప్రకటించింది. అంతేకాదు అంగప్రదక్షిణం టికెట్లను ఈ నెల 23వ తేదీన ఉదయం 10 గంటలకు ఆన్‌లైన్‌లో విడుదల చేయనున్నారు. నిన్నటి వరకు తిరుమలలో భక్తుల రద్దీ కొనసాగిన సంగతి తెలిసిందే. ఈ క్రమంలో నేడు కాస్త తగ్గినట్లు టీటీడీ పేర్కొంది.