తిరుమలకు చేరుకున్న సినీ నటుడు రామ్ చరణ్

దిశ,తిరుమల:శ్రీ వేంకటేశ్వర స్వామి వారి దర్శనార్థమై ప్రముఖ తెలుగు సినిమా మెగాస్టార్ చిరంజీవి తనయుడు,స్టార్ హీరో రామ్ చరణ్ కుటుంబం మంగళవారం రాత్రి తిరుమలకు చేరుకున్నారు. రామ్ చరణ్ భార్య ఉపాసన తో పాటు ఆమె కుటుంబ సభ్యులతో కలిసి 8 గంటల ప్రాంతంలో ఫీనిక్ అతిథి గృహానికి చేరుకున్నారు. రాత్రికి అక్కడే బస చేసి బుధవారం వేకువ జామున సుప్రభాత సేవలో శ్రీ వేంకటేశ్వర స్వామి వారిని రామ్ చరణ్ కుటుంబ సభ్యులు దర్శించుకుంటారు. ఇది ఇలా ఉండగా తిరుమలకు రామ్ చరణ్ వచ్చాడన్న విషయం నిమిషాల వ్యవధిలో సోషల్ మీడియాలో వైరల్ కావడంతో ఆయనను చూసేందుకు అభిమానులు పెద్ద సంఖ్యలో అతిథి గృహానికి చేరుకున్నారు.