Tirumala:శ్రీవారి సేవలో సినీ నటుడు నిఖిల్

దిశ, తిరుమల: ప్రముఖ సినీ నటుడు నిఖిల్ కుటుంబ సభ్యులతో కలిసి ఈ రోజు(శనివారం) ఉదయం నైవేద్య విరామ సమయంలో శ్రీ వెంకటేశ్వర స్వామి వారిని దర్శించుకున్నారు. ఈ క్రమంలో కుటుంబ సమేతంగా మొక్కులు చెల్లించుకున్నారు. దర్శనం అనంతరం వీరికి ఆలయ రంగనాయకుల మండపంలో వేద పండితులు వేద ఆశీర్వచనం చేయగా ఆలయ అధికారులు తీర్థప్రసాదాలు అందజేశారు. అనంతరం ఆలయం వెలుపల హీరో నిఖిల్ తో అభిమానులు, భక్తులు ఫొటోలు దిగారు.