తిరుమల శ్రీవారి సేవలో స్టార్ హీరో డాటర్..

దిశ, తిరుమల:శ్రీ వేంకటేశ్వర స్వామి వారిని ప్రముఖ తమిళ సినిమా స్టార్ హీరో రజినీకాంత్ కూతుర్లు దర్శించుకున్నారు. మంగళవారం వీఐపీ బ్రేక్ దర్శన సమయంలో రజనీకాంత్ కూతుర్లు అయిన ఐశ్వర్య, సౌందర్యలు కుటుంబ సమేతంగా శ్రీవారిని దర్శించుకుని మొక్కులు చెల్లించుకున్నారు. వీరిని ఆలయ అర్చకులు రంగనాయకుల మండపంలో ఆశీర్వదించి స్వామి వారి తీర్థ ప్రసాదాలను అందించారు. దర్శనానంతరం ఆలయం వెలుపలికి వచ్చిన ఐశ్వర్య, సౌందర్యాలను హీరో రజనీకాంత్ అభిమానులు తమిళ భాషలో ఎంతో ఆప్యాయంగా పలకరించి వారితో ఫోటోలు దిగారు.