Tiruchanur: పద్మావతి అమ్మవారిని దర్శించుకున్న సీజేఐ డివై చంద్రచూడ్

దిశ, తిరుపతి: భారత సుప్రీం కోర్టు ప్రధాన న్యాయమూర్తి జస్టిస్ డివై చంద్రచూడ్ బుధవారం సాయంత్రం కుటుంబ సమేతంగా తిరుచానూరు పద్మావతి అమ్మవారిని దర్శించుకున్నారు. అంతకుముందు ఆలయం ఎదుట టీటీడీ చైర్మన్ వైవి సుబ్బారెడ్డి,ఈవో అనిల్ కుమార్ సింఘాల్ జస్టిస్ చంద్ర చూడ్‌కు స్వాగతం పలికారు. ఆలయ అర్చకులు పూర్ణకుంభంతో సాంప్రదాయ బద్ధంగా స్వాగతించారు. ధ్వజస్తంభానికి మొక్కుకున్న అనంతరం జస్టిస్ చంద్ర చూడ్ దంపతులు పద్మావతి అమ్మవారిని దర్శించుకున్నారు. అర్చకులు అమ్మవారి శేషవస్త్రంతో సన్మానించి వేద ఆశీర్వాదం చేశారు. అనంతరం ఆశీర్వాద మండపంలో సీజేఐకి చైర్మన్, ఈవో అమ్మవారి ప్రసాదాలు అందజేసి వస్త్రంతో సన్మానించారు.