Tirumala:ఎమ్మెల్యే ఇంటికి చిరంజీవి..కేక్‌ కట్‌ చేసి బర్త్‌డే వేడుకలు!

దిశ ప్రతినిధి,తిరుపతి:తిరుపతి ఎమ్మెల్యే ఆరణి శ్రీనివాసులు నివాసంలో పద్మభూషణ్ డాక్టర్ చిరంజీవి జన్మదిన వేడుకలు ఘనంగా జరిగాయి. తన జన్మదినం సందర్భంగా మెగాస్టార్ చిరంజీవి గురువారం ఉదయం కుటుంబంతో కలిసి తిరుమల శ్రీవారిని దర్శించుకున్నారు. అనంతరం తిరుపతి జనసేన ఎమ్మెల్యే ఆరణి శ్రీనివాసులు ఇంటికి కుటుంబంతో కలిసి విచ్చేసారు. తన నివాసానికి విచ్చేసిన చిరంజీవి దంపతులకు ఎమ్మెల్యే ఆరణి శ్రీనివాసులు ఘన స్వాగతం పలికారు. అనంతరం ఇంట్లో చిరంజీవి కేక్ కట్ చేసి తన శ్రీమతి సురేఖతో పాటు ఎమ్మెల్యేకి ఆయన కుటుంబ సభ్యులకు తినిపించారు. తేనీరు సేవించాక చిరంజీవి హైదరాబాద్ బయలుదేరి వెళ్లారు.