తిరుమలలో చెట్టును ఢీకొన్న కారు.. మహిళ మృతి

దిశ, వెబ్ డెస్క్: తిరుమల ఘాట్ రోడ్డులో ప్రమాదం జరిగింది. కారు అదుపు తప్పి చెట్టును ఢీకొట్టింది. ఈ ఘటనలో భవాని అనే మహిళ మృతి చెందారు. ముగ్గురికి గాయాలయ్యాయి. క్షతగాత్రుల్లో ఇద్దరు చిన్నారులు ఉన్నారు. వీరిని తిరుపతిలోని ఆస్పత్రికి తరలించి చికిత్స అందిస్తున్నారు.వీరంతా బెంగళూరుకు చెందిన ఒకే కుటుంబానికి చెందిన వారిగా గుర్తించారు. తిరుమల శ్రీవారిని దర్శించుకుని తిరిగి వెళ్తుండగా కారు అదుపు తప్పింది. విషయం తెలుసుకున్న టీటీడీ ఈవో ధర్మారెండ్డి క్షతగాత్రులను పరామర్శించారు.