అనకాపల్లి బీజేపీ ఎంపీ అభ్యర్థికి మద్దతు ప్రకటించిన చిరంజీవి

దిశ, వెబ్ డెస్క్: 2024 పార్లమెంట్ ఎన్నికలతో పాటు ఏపీ అసెంబ్లీ ఎన్నికలు జరగనున్నాయి.ఈ ఎన్నికల్లో అధికార వైసీపీని ఓడించేందుకు కంకణం కట్టుకున్న పవన్ కల్యాణ్ టీడీపీ, బీజేపీతో చర్చించి పొత్తు పెట్టుకున్నారు. ఈ పొత్తులో భాగంగా అనకాపల్లి పార్లమెంట్ స్థానం నుంచి సీఎమ్ రమేష్ ఎంపీ అభ్యర్థిగా పోటీ చేస్తున్నారు. టికెట్ కన్ఫామ్ కావడంతో ప్రచారంలో దూసుకుపోతున్న ఆయన తాజాగా టాలీవుడ్ స్టార్ హీరో చిరంజీవిని కలిశారు. ఈ క్రమంలో చిరు.. సీఎమ్ రమేష్‌కు శుభాకాంక్షలు తెలుపుతూ.. ఎన్నికల్లో గెలుస్తారని.. తన మద్దతు ఎప్పుడూ ఉంటుందని.. ప్రజల కోసం ఎల్లప్పుడు పాటుపడేవారికి మద్దతిస్తామని చిరంజీవి బీజేపీ ఎంపీ అభ్యర్థి సీఎమ్ రమేష్ అన్నారు. కాగా సన్నివేశానికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది.