చంద్రబాబు ఫొటోకు అమృత్‌సర్‌లో క్షీరాభిషేకం
క్రీడా పాలసీని దేశానికే ఆదర్శంగా తీర్చిదిద్దిన ముఖ్యమంత్రి నారా చంద్రబాబు నాయుడుకు కృతజ్ఞతలు తెలుపుతూ.. ఆయన ఫోటోకు అమృత్‌సర్‌లో క్రీడాకారులు క్షీరాభిషేకం చేశారు.
దిశ, ఏపీ బ్యూరో: క్రీడా పాలసీని దేశానికే ఆదర్శంగా తీర్చిదిద్దిన ముఖ్యమంత్రి నారా చంద్రబాబు నాయుడుకు కృతజ్ఞతలు తెలుపుతూ.. ఆయన ఫోటోకు అమృత్‌సర్‌లో క్రీడాకారులు క్షీరాభిషేకం చేశారు. ఆల్ ఇండియా ఇంటర్‌ యూనివర్శిటీ పోటీల సందర్భంగా గురునానక్‌ దేవ్‌ విశ్వవిద్యాలయంలో క్రీడాకారులు ఈ కార్యక్రమం నిర్వహించారు. చంద్రబాబు రాకతో క్రీడలకు మళ్లీ జోష్‌ వచ్చిందని, ఇతర రాష్ట్రాలు సైతం ఏపీ తరహాలో ప్రోత్సాహకాలు అందించాలని జె.బాబులాల్‌ నాయక్‌ కోరారు. ఈ కార్యక్రమంలో ఏపీ, తెలంగాణ సహా ఇతర రాష్ర్టాల నుంచి క్రీడాకారులు పాల్గొన్నారు.