Ap News: సీఎం చంద్రబాబు కార్యక్రమం వాయిదా
ఏపీ సీఎం చంద్రబాబు ఈ వారం నిర్వహించనున్న ప్రజా వేదిక కార్యక్రమం వాయిదా పడింది...
దిశ, వెబ్ డెస్క్: ఏపీ సీఎం చంద్రబాబు ఈ శనివారం నిర్వహించనున్న ప్రజా వేదిక కార్యక్రమం వాయిదా పడింది. గుంటూరు జిల్లా మంగళగిరి టీడీపీ కేంద్ర కార్యాలయంలో ప్రతి శనివారం ప్రజా సమస్యలు వినడంతో పాటు వినతులు స్వీకరించాల్సిన నిర్ణయించుకున్న విషయం తెలిసిందే. ప్రజా వేదిక పేరుతో ఇప్పటికే రెండు శనివారాలు ఈ కార్యక్రమాన్ని కొనసాగించారు. అయితే ఈసారి మాత్రం అనూహ్యం ప్రజా వేదిక కార్యక్రమం వాయిదా పడింది. సీఎం ఢిల్లీ పర్యటన, తెలంగాణ సీఎం రేవంత్ రెడ్డితో భేటీ నేపథ్యంలో శనివారం ప్రజా వినతులను స్వీకరించడంలేదని అధికారికంగా పార్టీ నాయకులు ప్రకటించారు. ఈ శనివారం కాకుండా పై వచ్చే వారంలో సీఎం చంద్రబాబు నాయుడు ప్రజా వేదిక కార్యక్రమాన్ని కొనసాగించనున్నారని స్పష్టం చేశారు. ఈ నెల 6న టీడీపీ కార్యాలయానికి ప్రజలు రావొద్దని పిలుపునిచ్చారు.
కాగా సీఎం చంద్రబాబు ఢిల్లీలో ప్రధాని మోడీతో పాటు పలువురు కేంద్రమంత్రులను గురువారం కలవనున్నారు. ఈ మేరకు ఆయన ఢిల్లీ బయల్దేరారు. గురువారం ఉదయం 10.30 గంటలకు ప్రధాని మోడీతో చంద్రబాబు కలువనున్నారు. ఆ తర్వాత కేంద్రమంత్రులు అమిత్ షా, నిర్మలా సీతారామన్‌తో భేటీ కానున్నారు. అమరావతి, పోలవరం, ఏపీ ఆర్థిక పరిస్థితిపై ప్రధానితో పాటు కేంద్రమంత్రులకు సీఎం చంద్రబాబు నాయుడు నివేదిక అందించనున్నారు. ఢిల్లీ పర్యటన తర్వాత ఈ నెల 6న హైదరాబాద్‌లో తెలంగాణ సీఎం రేవంత్ రెడ్డితో భేటీ కానున్నారు. ఏపీ, తెలంగాణ మధ్య నెలకొన్న విభజన సమస్యలపై చర్చించనున్నారు. ఇందులో భాగంగా శనివారం జరగాల్సిన ప్రజా వేదిక కార్యక్రామాన్ని వాయిదా వేశారు.
Read more...