బ్రేకింగ్: తిరుమల అలిపిరి మార్గంలో మరో చిరుత.. అదే ప్లేస్‌లో మళ్లీ సంచారం..!

దిశ, వెబ్‌డెస్క్: తిరుమల అలిపిరి కాలినడక మార్గంలో చిరుత పులుల సంచారం భక్తులను తీవ్ర ఆందోళనకు గురి చేస్తోంది. ఇటీవల కాలినడక మార్గంలో ఓ బాలికపై దాడి చేసి చిరుత చంపేసిన విషయం తెలిసిందే. ఈ ఘటనతో ప్రయాణికులు తీవ్ర భయాందోళనకు గురి అవుతుండగా.. తాజాగా తిరుమల కాలినడక మార్గంలో మరో చిరుత కనిపించింది. టీటీడీ అధికారులు ఏర్పాటు చేసిన ట్రాప్ కెమెరాల్లో చిరుత సంచారాన్ని అధికారులు గుర్తించారు. ఇటీవల బాలికపై దాడి చేసి చంపేసిన ప్రదేశంలోనే మరోసారి చిరుత సంచారాన్ని అధికారులు గుర్తించారు. దీంతో అప్రమత్తమైన టీటీడీ అధికారులు చిరుతను పట్టుకోవడం కోసం బోను ఏర్పాటు చేశారు. కాగా, ఇప్పటికే తిరుమల కాలినడక మార్గంలో అధికారులు నాలుగు చిరుతలను పట్టుకున్న సంగతి తెలిసిందే. తాజాగా మరోసారి కాలినడక మార్గంలో చిరుత తిరుగుతోందన్న వార్తతో భక్తులు తీవ్ర భయాందోళనకు గురి అవుతున్నారు.