దమ్ముంటే ఆపండి: లేడీ అఘోరి సవాల్

దిశ, వెబ్ డెస్క్: మహిళా అఘోరి తెలుగు రాష్ట్రాల్లో పర్యటిస్తున్న విషయం తెలిసిందే. ఆదివారం పలు దేవాలయాలను సందర్శించారు. ఈ సాయంత్రం గుంటూరు జిల్లాలోని కోటప్పస్వామి కొండను దర్శించుకున్నారు. త్రికోటేశ్వర స్వామి సేవలో పాల్గొన్న అనంతరం అఘోరి మీడియాతో మాట్లాడారు. శంషాబాద్‌లో ధ్వంసమైన గుడి ఘటనపై ఆగ్రహం వ్యక్త చేశారు. ఆ గుడి వద్ద తాను మహాతాండవం ఆడబోతున్నట్లు తెలిపారు. దమ్ముంటే తనను ఆపాలని సవాల్ విసిరారు. తెలుగు రాష్ట్రాల్లో మహిళలు, ఆడపిల్లలపై జరుగుతున్న అరాచకాలపైనా అఘోరి మండిపడ్డారు. ఆడపిల్లలపై అఘాయిత్యానికి పాల్పడితే మగాళ్ల మర్మాగాన్ని కోసేస్తానని హెచ్చరించారు. స్త్రీ శక్తి బయటకు వస్తే ఎవరూ తట్టుకోలేరన్నారు. మహిళల కోసం తన ప్రాణాన్ని సైతం వదిలేయడానికి సిద్ధమని అఘోరి స్పష్టం చేశారు.