పురంధేశ్వరి నివాసంలో కూటమి నేతల సమావేశం..ఎన్నికల ప్రచారంపై సమాలోచనలు

దిశ, విశాఖ ప్రతినిధి: బీజేపీ అధ్యక్షురాలు పురంధేశ్వరి నివాసంలో అచ్చెన్నాయుడు, నాదెండ్ల మనోహర్, మధుకర్, బిజెపి ఎన్నికల ఇన్ చార్జి అరుణ్ సింగ్, సహ ఇంచార్జి సిద్దార్ధ సింగ్ బుధవారం రాత్రి సమావేశం అయ్యారు. ఎన్నికల ప్రచారం, ఉమ్మడి మేనిఫెస్టో రూపకల్పనపై చర్చించినట్లు తెలిసింది. ప్రధాని మోడీ, అమిత్ షా, బీజేపీ అగ్ర నేతల పర్యటనలు, సభలపై సమాలోచనలు జరిగినట్లు సమాచారం. అన్ని ప్రాంతాలను కవర్ చేసేలా అగ్ర నేతల ప్రచారం ఉండేలా ఎన్డీఏ కూటమి ప్రణాళికలు రూపొందిస్తుందని కూటమి నేతకలకు పురంధేశ్వరి వివరించారు.