విశాఖను రక్షించండి : పవన్

దిశ, వెబ్ డెస్క్ : ఏపీలోని విశాఖ పోర్టులో ఉన్న అమ్మోనియం నిల్వలను వేరే చోటుకు తరలించి వైజాగ్‌ను రక్షించాలని జనసేన అధినేత పవన్ కళ్యాణ్ కేంద్ర, రాష్ట్ర ప్రభుత్వాలను కోరారు.

అమ్మోనియం రసాయనంతో ఏ మాత్రం ఏమరపాటుగా ఉన్న పెను విధ్వంసం తప్పదన్నారు. ఎరువుల తయారీ, గనుల్లో పేలుళ్లకు వినియోగించే ఈ రసాయానాన్ని నగరానికి దూరంగా తరలించాలని పవన్ కోరారు.

ఇటీవల లెబనాన్ రాజధాని బీరూట్‌లో జరిగిన విధ్వంసాన్ని గుర్తుచేసుకుంటే భయం కల్గుతోందని.. ఇప్పటికైనా కేంద్ర,రాష్ట్ర ప్రభుత్వాలు చొరవ చూపి వాటి నిల్వలను సిటీకి దూరంగా తరలించాలని డిమాండ్ చేశారు.