అన్న సినిమాలో అల్లు శిరీష్..

దిశ, వెబ్‌డెస్క్ : టాలీవుడ్ మోస్ట్ అవెయిటెడ్ మూవీ ‘పుష్ప’ గురించి మరో ఇంట్రెస్టింగ్ అప్‌డేట్ హల్‌చల్ చేస్తోంది. స్టైలిష్ స్టార్ అల్లు అర్జున్- సుకుమార్ కాంబినేషన్‌లో వస్తున్న సినిమాలో అల్లు శిరీష్ కూడా నటించబోతున్నట్లు వార్తలు వస్తున్నాయి. ఎర్రచందనం స్మగ్లింగ్ నేపథ్యంలో తెరకెక్కుతున్న ఈ చిత్రంలో బన్నీ లారీ డ్రైవర్‌గా నటిస్తుండగా.. మరో కీలక పాత్రలో అల్లు శిరీష్ కనిపించబోతున్నారని సమాచారం. ఇదే నిజమైతే అల్లు బ్రదర్స్ బన్ని, శిరీష్ ఫస్ట్ టైమ్ స్క్రీన్ షేర్ చేసుకునే సినిమా పుష్ప కానుండగా.. ఈ న్యూస్‌తో బన్నీ ఫ్యాన్స్ సూపర్ హ్యాపీగా ఉన్నారు. కనీసం ఇలాగైనా శిరీష్ కెరియర్‌ దూసుకుపోతుందని అభిప్రాయపడుతున్నారు. ఇక అల్లు శిరీష్ ఇండస్ట్రీకి ఎంట్రీ ఇచ్చి ఏడేళ్లు గడుస్తున్నా చెప్పుకోదగిన హిట్ పడకపోవడంతో.. తమ్ముడి కెరియర్‌కు బూస్టప్ ఇచ్చేందుకు స్టైలిష్ స్టార్ ఈ స్మార్ట్ ఐడియాతో వస్తున్నాడని ఫిల్మ్ నగర్ టాక్.

కాగా ‘పుష్ప’ యూనిట్ సభ్యుల్లో కొందరికి కరోనా రావడంతో తూర్పుగోదావరి జిల్లా మారేడిమిల్లి అడవుల్లో జరుగుతున్న షూటింగ్‌కు బ్రేక్ పడింది. మరో వారం రోజుల్లో హైదరాబాద్‌లోని ఓ ఫామ్ హౌజ్‌లో మళ్లీ షూటింగ్ స్టార్ట్ చేయబోతున్నారని సమాచారం.