సీసాలో కప్ప కేటీఆర్: అద్దంకి దయాకర్

కేటీఆర్ సీసాలో కప్పలా వ్యవహరిస్తున్నారని కాంగ్రెస్ నేత అద్దంకి దయాకర్ ఎద్దేవా చేశారు. శుక్రవారం ఆయన గాంధీభవన్‌లో మీడియాతో సమావేశమయ్యారు. ఈ సందర్భంగా.. జాతీయ పార్టీలు కనుమరుగయ్యాయని కేటీఆర్ మాట్లాడటం సబబు కాదన్నారు. ఆ పార్టీలే లేకపోతే తెలంగాణ బిల్లు పెట్టిందెవరని అద్దంకి దయాకర్ ప్రశ్నించారు. కేసీఆర్ ఏ జాతీయ పార్టీ వద్ద విలీనం చేస్తామని మొకరిల్లారో కేటీఆర్ చెప్పాలన్నారు. తెలంగాణలో టీఆర్ఎస్ పార్టీ బెదిరింపు రాజకీయాలు చేస్తోందన్నారు. ఆఖరికు కాంగ్రెస్‌నే టీఆర్ఎస్‌లో విలీనం చేసుకునే పరిస్థితి తీసుకొచ్చారని ఆయన మండిపడ్డారు. బయటకు బీజేపీతో శత్రుత్వం ఉన్నట్లు నటిస్తున్నారని.. ఉద్యమకారులు, కాంగ్రెస్ పట్ల ఉన్న కసిని తగ్గించుకోవాలని అద్దంకి దయాకర్ కేటీఆర్‌పై ఫైర్ అయ్యారు.