హీరోగా నాజర్ కొడుకు..

దిశ, వెబ్‌డెస్క్ : ప్రముఖ నటుడు నాజర్ తనయుడు అభిహాసన్ హీరోగా పరిచయం కాబోతున్నాడు. లోకనాయకుడు కమల్ హాసన్ నటించిన ‘కడారమ్ కొండాన్’ చిత్రంలో కీలక పాత్రలో కనిపించిన అభిహాసన్.. ఇప్పుడు హీరోగా ఎంట్రీ ఇవ్వబోతున్నాడు. కేబుల్ శంకర్ డైరెక్షన్‌లో తెరకెక్కనున్న ఈ సినిమాను తిరుకుమరన్ ఎంటర్‌టైన్మెంట్స్ బ్యానర్‌పై సీవీ కుమార్ నిర్మించనున్నారు. ఇప్పటికే ప్రీ ప్రొడక్షన్ వర్క్ జరుగుతోందని తెలిపిన డైరెక్టర్.. కాస్ట్ అండ్ క్రూ గురించిన వివరాలు త్వరలో వెల్లడిస్తామన్నారు. ఇక ఈ సినిమాలో డైనమిక్ రోల్ ప్లే చేయబోతున్న అభిహాసన్.. తమిళ్ ఇండస్ట్రీలో గట్టి పునాది వేసుకోబోతున్నాడని చెప్పారు. కాగా నాజర్ కూడా ప్రధాన పాత్రలో కనిపించబోతున్న సినిమాలో టాలెంటెడ్ స్టార్స్ కనిపించనున్నారని తెలుస్తోంది.