నానితో ఎక్స్‌పీరియన్స్ మరిచిపోలేను : హీరోయిన్

దిశ, సినిమా: టాలీవుడ్ కింగ్ నాగార్జున, నేచురల్ స్టార్ నాని కాంబినేషన్‌లో వచ్చిన ‘దేవదాసు’ మూవీలో యాక్ట్ చేసినన ఆకాంక్ష సింగ్ ఓటీటీలపై తన అభిప్రాయాన్ని వెల్లడించింది. ప్రస్తుతం తను నటించిన మూడు ఓటీటీ ప్రాజెక్టులు రిలీజ్‌కు సిద్ధంగా ఉండగా.. ఫ్యూచర్ మొత్తం ఓటీటీ హవానే అని సెలవిస్తోంది. అంతేకాదు తెలుగు సూపర్ స్టార్ నానితో మరోసారి వర్క్ చేయాలనుందని మనసులో మాట బయటపెట్టింది. ఇక దేవదాసు టైమ్‌లో నానితో వర్క్ ఎక్స్‌పీరియన్స్ గురించి షేర్ చేసుకున్న ఆకాంక్ష.. తను అమేజింగ్ కోస్టార్ అని, అవుట్‌పుట్ కోసం ఎఫర్ట్‌లెస్‌గా కష్టపడుతుంటాడని తెలిపింది.

తనతో మళ్లీ పనిచేసే అవకాశం కోసం ఎదురుచూస్తున్నట్లు పేర్కొంది. ఈ మేరకు తన ప్రజెంట్ ఆంథాలజీ గురించి చెప్పిన హీరోయిన్.. ఇందులోని కథలను నాని సోదరి దీప్తి గంటా అద్భుతంగా రాయడమే కాకుండా తనే డైరెక్ట్ చేసిందని చెప్పుకొచ్చింది. రైటర్, డైరెక్టర్‌తో పాటు సిరీస్‌లోని స్టోరీస్ కూడా ఉమెన్ సెంట్రిక్ కావడంతోనే ఈ ప్రాజెక్ట్‌కు ఒప్పుకున్నట్లు వివరించింది. ప్రేక్షకుల అభిరుచి కూడా మారిందని, సినిమా బాగుంటే ‘హీరో లేదా హీరోయిన్ ఓరియెంటెడ్’ అన్న విషయాన్ని పట్టించుకోవడం లేదని స్పష్టం చేసింది.