రైలు ప్రమాదంలో మాజీ సింగరేణి కార్మికుడు మృతి

దిశ,పెద్దపల్లి : ప్రమాదవశాత్తు రైలు ఢీకొని సింగరేణి రిటైర్డ్ కార్మికుడు మరణించిన ఘటన పెద్దపల్లి జిల్లాలో చోటుచేసుకుంది. స్థానికులు తెలిపిన వివరాల ప్రకారం పెద్దపల్లి నుంచి ఓదెల వెళ్లేందుకు పెద్దపల్లి రైల్వే స్టేషన్ లో ఒకటో నెంబర్ ప్లాట్ ఫారం నుంచి రెండో నెంబర్ ప్లాట్ ఫామ్ వైపు రైల్వే ట్రాక్ దాటుతుండగా ప్రమాదవశాత్తు రైలు ఢీకొని మృతి చెందాడని, మృతుడుపెద్దపల్లి జిల్లా ఓదెల గ్రామం నివాసి సింగరేణి విశ్రాంత కార్మికుడు రామినేని శంకరయ్య (68) గా గుర్తించారు. రామినేని శంకరయ్య సింగరేణి కాలరీస్ కంపెనీ లోగోలేటి 1 , గొలేటి 1A లో ట్రామర్ గా విధులు నిర్వహించి ఇటీవల పదవీ విరమణ పొందారు. మృతుడు స్వగ్రామమైన ఓదెల లో స్థిరపడ్డారు.