Fire accident : మొబైల్​ సర్వీస్​ సెంటర్​లో అగ్నిప్రమాదం..

దిశ, కూకట్​పల్లి : కేపీహెచ్​బీ కాలనీలోని ఎల్​ఐజి కాలనీలో ఓ మొబైల్​ సర్వీసింగ్​ కేంద్రంలో అగ్నిప్రమాదం చోటు చేసుకుంది. పోలీసులు, అగ్నిమాపక శాఖ అధికారులు తెలిపిన వివరాల ప్రకారం కేపీహెచ్​బీ కాలనీ ఎల్​ఐజి 16లోని ప్లాట్​ నంబర్​ 11,12లలో షణ్యుఖ అనే వ్యక్తి ఎంఐ మొబైల్​ ఆథరైజ్డ్​ సర్వీస్​ సెంటర్​ను నిర్వహిస్తున్నాడు. బుధవారం సర్వీస్​ సెంటర్​లో షాట్​ సర్క్యూట్​ కారణంగా అగ్నిప్రమాదం చోటు చేసుకుని రెండు ఫ్లాట్​లలోకి వ్యాపించాయి. దీంతో సెల్​ ఫోన్​లు మంటలలో కాలిపోయాయి. ఎంత వరకు ఆస్థి నష్టం జరిగిందో తెలియరాలేదని పోలీసులు తెలిపారు.