ఆగి ఉన్న లారీని ఢీకొని వ్యక్తి మృతి
ఆగి ఉన్న లారీని ఢీకొని ఓ వ్యక్తి మృతి చెందాడు. పరిగి ఎస్ఐ సంతోష్ తెలిపిన వివరాల ప్రకారం కర్నాటక రాష్ర్టం గుల్బర్గా జిల్లా సేడెం తాలుకాకు చెందిన కాణగడ్డ గ్రామానికి చెందిన చాకలి రాజు (35), భార్య సునిత, ముగ్గురు పిల్లలతో కలిసి రంగారెడ్డి జిల్లా మొయినాబాద్ సమీపంలో మేస్త్రి పని చేస్తూ జీవిస్తున్నాడు.
దిశ, పరిగి : ఆగి ఉన్న లారీని ఢీకొని ఓ వ్యక్తి మృతి చెందాడు. పరిగి ఎస్ఐ సంతోష్ తెలిపిన వివరాల ప్రకారం కర్నాటక రాష్ట్రం గుల్బర్గా జిల్లా సేడెం తాలుకాకు చెందిన కాణగడ్డ గ్రామానికి చెందిన చాకలి రాజు (35) అనే వ్యక్తి తన భార్య సునిత, ముగ్గురు పిల్లలతో కలిసి రంగారెడ్డి జిల్లా మొయినాబాద్ సమీపంలో మేస్త్రి పని చేస్తూ జీవిస్తున్నాడు. ఈ క్రమంలో బైక్ ఫైనాన్స్ కట్టి వస్తానని మంగళవారం ఉదయం బయలుదేరాడు. ఫైనాన్స్ కట్టి తిరిగి వస్తూ పరిగి మండలం చింతల్ వద్ద ఆగి ఉన్న లారీని ఢీ కొట్టాడు. తీవ్ర గాయాలైన చాకలి రాజు అక్కడికక్కడే మృతి చెందాడు. ఈ మేరకు కేసు నమోదు చేసుకొని దర్యాప్తు జరుపుతున్నట్లు ఎస్ఐ సంతోష్ తెలిపారు.