Natu Sara : 30 లీటర్ల నాటు సారా పట్టివేత

దిశ,టేకులపల్లి : ద్విచక్రవాహనంపై 30 లీటర్ల నాటు సారాయిని తరలిస్తున్న ఇద్దరు వ్యక్తులను ఆదుపులోకి తీసుకున్న సంఘటన మంగళవారం వెంకిట్యాతండా సమీపాన చోటు చేసుకుంది. టేకులపల్లి ఎస్సై పి. సురేష్ తెలిపిన వివరాల ప్రకారం బేతంపూడి గ్రామ పంచాయతీ పరిధి వెంకట్యాతండా గ్రామ సమీపాన నర్సాయిగూడెం వెళ్లే దారి వద్ద పోలీసులు వాహన తనిఖీ

    చేస్తుండగా బైక్పై ఇద్దరు వ్యక్తులు టేకులపల్లి వైపు వెళ్తున్నారు. వారిని ఆపి తనిఖీ చేయగా వారి వద్ద సుమారు 30 లీటర్ల నాటు సారా దొరికింది. వారి వివరాలు దాస్తోండా గ్రామానికి చెందిన బానోత్ బన్సీలాల్, బానోత్ రవిగా తెలిసింది. వీరు మహబూబాబాద్ నుంచి కొనుగోలు చేసి స్థానికంగా అమ్ముకునేందుకు తీసుకొస్తున్నామని తెలిపారు. వారి ఇద్దరిని ఆదుపులోకి తీసుకొని కేసు నమోదు చేసి ద్విచక్ర వాహనాన్ని సీజ్ చేసినట్లు తెలిపారు.