నగరానికి కొత్తగా 4500మంది కానిస్టేబుళ్లు

దిశ, తెలంగాణ క్రైమ్​‌బ్యూరో: హైదరాబాద్‌కు కొత్తగా 4500మంది కానిస్టేబుళ్లను ప్రభుత్వం కేటాయించింది. హైదరాబాద్​ కమిషనరేట్​ పరిధిలో 1645 మంది, సైబరాబాద్​ కమిషనరేట్​ పరిధిలో 1461 మంది, రాచకొండ కమిషనరేట్​ పరిధిలో 1394 మంది తమ ఉద్యోగ విధులకు రిపోర్ట్​ చేశారు. ఈ సందర్భంగా మూడు కమిషనరేట్ల పరిధిలోని కమిషనర్లు అంజనీకుమార్​, వీసీ సజ్జనార్​, మహేష్​ భగవత్​ లు కొత్తగా విధుల్లో చేరిన సిబ్బందిని అభినందించారు. అనంతరం వారినుద్దేశించి సీపీ అంజనీకుమార్​ మాట్లాడుతూ శాంతిభద్రతల నిర్వహణలో పోలీసు సిబ్బంది ప్రాముఖ్యతను వివరించారు. వృత్తిలో నైపుణ్యంతో పాటు ఉత్సాహాంగా పనిచేయాలని సూచించారు. విధుల్లో భాగంగా ఆధునిక నైపుణ్యాలను నిరంతరం నేర్చుకోవాలన్నారు. మాస్టర్ టెక్నాలజీ, హార్డ్ వర్క్, నిజాయితీతో పౌరులను మీ కుటుంబం లాగా కాపాడుకోవాలన్నారు.