2021 సూపర్ కంప్యూటర్‌లు.. పర్ఫామెన్స్ చూస్తే ఔరా అనాల్సిందే..!

దిశ, వెబ్‌డెస్క్: సైన్స్ అండ్ టెక్నాలజీ మంత్రిత్వ శాఖ 2021 సంవత్సరపు వార్షిక నివేదికను విడుదల చేసింది. నేషనల్ సూపర్-కంప్యూటర్ మిషన్ (NSM) కింద నాలుగు కొత్త సూపర్ కంప్యూటర్‌లు వివిధ ప్రదేశాలలో ఇన్‌స్టాల్ చేశారు. IIT-హైదరాబాద్, NABI- మొహాలీ, CDAC-బెంగళూరు, IIT కాన్పూర్‌లలో జూలై 2021 నుండి నాలుగు కొత్త సూపర్ కంప్యూటర్‌లు ఉంచబడ్డాయి. NSM దాదాపు 75 సంస్థలకు, నేషనల్ నాలెడ్జ్ నెట్‌వర్క్ (NKN) ద్వారా పనిచేస్తున్న వేలాది మంది క్రియాశీల పరిశోధకులు, విద్యావేత్తలకు హై-పెర్ఫార్మెన్స్ కంప్యూటింగ్ (HPC) సౌకర్యాలను అందిస్తోంది. సైన్స్ అండ్ టెక్నాలజీ కొత్తగా అభివృద్ధి చేయబడిన విషయాలను కూడా పేర్కొంది.

నానో-మెటీరియల్స్ నుండి అత్యంత స్థిరమైన, నాన్-టాక్సిక్ సెక్యూరిటీ ఇంక్ తయారు చేస్తున్నారు. దాని ప్రత్యేక రసాయన లక్షణాల కారణంగా కాంతిని (ప్రకాశించే) విడుదల చేస్తుంది. ఇది బ్రాండెడ్ వస్తువులు, బ్యాంకు-నోట్లు, ఔషధం, సర్టిఫికేట్లు, నకిలీ కరెన్సీని గుర్తించగలదు. INSTలోని శాస్త్రవేత్తలు అల్ట్రా-హై మొబిలిటీతో ఎలక్ట్రాన్ వాయువును ఉత్పత్తి చేశారు. ఇది పరికరంలోని ఒక భాగం నుండి మరొకదానికి క్వాంటం సమాచారం, సిగ్నల్ బదిలీని వేగవంతం చేస్తుంది. డేటా నిల్వ, మెమరీని పెంచుతుంది. డీప్ లెర్నింగ్ (DL) నెట్‌వర్క్ ఆధారంగా వర్గీకరణ పద్ధతి రొమ్ము క్యాన్సర్ నిరూపణ కోసం హార్మోన్ స్థితిని అంచనా వేయగలదు. విద్యుదయస్కాంత క్షేత్రం సమక్షంలో దాని భౌతిక లక్షణాలను మారుస్తుంది. మెరుగైన క్వాంటం సాంకేతికతను RRI పరిశోధకులు కనుగొన్నారు. ఇది వినియోగదారుల అవసరాలకు అనుగుణంగా ట్యూన్ చేయగలిగి నియంత్రణలో ఉంటుంది.