నిజాయితీ గూడెంలో ఇది బాధాకరం

దిశ, మానకొండూరు: పశవుల పాక కూలి రెండు ఆవులు మృతిచెందిన ఘటన మానకొండురూలో చోటు చేసుకుంది. వివరాల్లోకి వెళితే.. గత ఐదురోజుల నుండి జిల్లా వ్యాప్తంగా ఎడతెరపిలేకుండా భారీగా వర్షం కురుస్తోంది.

ఈ వర్షాల వల్ల పశువుల పాక కూలి మానకొండూరు మండలం నిజాయితీ గూడెం గ్రామానికి చెందిన గచ్చకాయల శ్రీనివాస్ కు చెందిన రెండు జెర్సీ ఆవులు మృతి చెందాయి. దీంతో ఆ రైతు తీవ్ర ఆవేదన వ్యక్తం చేస్తున్నాడు. మృతిచెందిన ఆవుల విలువ సుమారు రూ. 2 లక్షల వరకు ఉంటుందని, ఈ ఆవుల పాలు అమ్ముకుంటూ జీవనం సాగిస్తున్నామని, ప్రస్తుతం తమ పరిస్థితి దిక్కుతోచని పరిస్థితిలో పడిపోయిందంటూ బాధపడుతున్నాడు. ప్రభుత్వం తనను ఆదుకుని తన ఫ్యామిలీకి భరోసా కల్పించాలంటూ కోరుకుంటున్నాడు.