తాజాగా 1,590 కేసులు, 7 మరణాలు

దిశ, వెబ్‌డెస్క్: తెలంగాణలో కరోనా కోరలు చాచుతోంది. రోజురోజుకీ పాజిటివ్ కేసుల సంఖ్య 1000పై బడి నమోదు అవుతున్నాయి. ముఖ్యంగా నగరంలో వైరస్ వ్యాప్తి ఆందోళనకరంగా ఉంది. తాజాగా గడిచిన 24 గంటల్లో తెలంగాణలో 1,590 కొత్త కేసులు నమోదయ్యాయి. దీంతో మొత్తం కేసుల సంఖ్య 23,902కు చేరింది. తాజాగా కరోనాతో 7 మంది చనిపోవడంతో మొత్తం మృతుల సంఖ్య 295కు చేరింది. తాజాగా నమోదైన కేసుల్లో హైదరాబాద్‌లోనే 1,277 పుట్టుకొచ్చాయి.

జిల్లాల వారిగా మేడ్చల్ 125, రంగారెడ్డి 82, సూర్యాపేట 23, సంగారెడ్డి 19, మహబూబ్ నగర్ 19, నల్లగొండ 14, కరీంనగర్, వనపర్తిలో 4 చొప్పున, నిజామాబాద్, మెదక్ లో 3 చొప్పున, నిర్మల్, వికారాబాద్, భద్రాది, జనగామ జిల్లాల్లో 2 చొప్పున, గద్వాల, సిద్దిపేట, వరంగల్ రూరల్, ఆదిలాబాద్, నారాయణ్ పేట, పెద్దపల్లి, యాదాద్రి, కామారెడ్డి జిల్లాల్లో ఒకటి చొప్పున కేసులు నమోదు అయ్యాయి. ప్రస్తుతం రాష్ట్రవ్యాప్తంగా యాక్టివ్ కేసుల సంఖ్య 10,904 కాగా, ఇప్పటి వరకు 12,703 మంది కోలుకుని డిశ్చార్జి అయ్యారు.