11 మంది జూదరులు అరెస్ట్

దిశ, మెదక్: సిద్దిపేట జిల్లా కొండపాక గ్రామ శివారులోని రాజేందర్ రెడ్డి ఫామ్‌హౌస్‌లో పేకాట స్థావరంపై పోలీసులు మెరుపు దాడి చేశారు. 11 మందిని అదుపులోకి తీసుకోగా, మరో 10 మంది పారిపోయారు. నిందితుల నుంచి రూ.3.48 లక్షలు, మూడు కార్లను స్వాధీనం చేసుకున్నట్లు సిద్దిపేట ఏసీపీ మహేందర్ తెలిపారు. అనంతరం నిందితులను రిమాండ్‌కు తరలించారు. దాదాపు 25 మంది పోలీసులు పక్కా సమాచారంతో మెరుపు దాడులు చేసి జూదరులను పట్టుకున్నారు.