ఆకాంక్ష సింగ్‌కు నాని బ్రేక్ ఇస్తాడా?
దిశ, సినిమా : టాలీవుడ్ మల్టీస్టారర్ మూవీ ‘దేవ్‌దాస్’లో ఫిమేల్ లీడ్ క్యారెక్టర్ ప్లే చేసిన ఆకాంక్ష సింగ్.. మరోసారి నేచురల్ స్టార్ నానితో కలిసి పనిచేయాలనే ఆశతో ఉన్నట్లు ఇటీవలే తెలిపింది. ఆమె అలా చెప్పిందో లేదో ఇలా చాన్స్ వచ్చేసింది. కానీ నానికి జోడీగా కాకుండా ఆయన నిర్మాణంలో పనిచేసే అవకాశం దక్కించుకుంది. వాల్‌పోస్టర్ బ్యానర్‌పై ఇప్పటికే ‘మీట్ క్యూట్’ మూవీ ప్రకటించారు నాని. ఉమెన్ సెంట్రిక్ ఫిల్మ్‌గా వస్తున్న ఈ చిత్రంలో ఐదుగురు హీరోయిన్లు వర్క్ చేయనున్నారట? వీరిలో ఒకరిగా ఆకాంక్ష సింగ్ ఫైనల్ కాగా మరో నలుగురు ఎవరనేదానిపై ఇంకా క్లారిటీ రాలేదు. కాగా పలు హిందీ టెలివిజన్ సీరియల్స్‌తో ఆకట్టుకున్న భామ.. ‘మళ్లీరావా’ సినిమాతో టాలీవుడ్ ఎంట్రీ ఇచ్చింది. ఈ సినిమాతో మంచి ఇంప్రెషన్ కొట్టేసిన భామకు ‘మీట్ క్యూట్’ ద్వారా తెలుగు ఇండస్ట్రీలో బిజీ కావాలని కోరుకుంటున్నారు అభిమానులు.
