టపాసులు కాల్చకండి: కేజ్రీవాల్

ఢిల్లీ అసెంబ్లీ ఎన్నికల్ల ఫలితాల్లో స్పష్టమైన ఆధిక్యాన్ని ప్రదర్శిస్తున్న ఆప్ ఇప్పటికే మేజిక్ ఫిగర్‌ను దాటేసింది. ఈ నేపథ్యంలో సీఎం కేజ్రీవాల్ కీలక ప్రకటన చేశారు. పార్టీ కార్యకర్తలు సంబరాలు చేసుకునేటప్పుడు టపాసులు పేల్చవద్దంటూ ఆదేశాలు జారీ చేశారు. ఇప్పటికే ఢిల్లీలో వాయుకాలుష్యం తీవ్ర రూపం దాల్చిన నేపథ్యంలో కేజ్రీవాల్ ఈ నిర్ణయం తీసుకున్నట్లు ఆప్ వర్గాలు తెలిపాయి. కాగా, ప్రస్తుతం అందుతున్న ఫలితాల ప్రకారం ఆప్ 53 స్థానాల్లో, బీజేపీ 17 చోట్ల ఆధిక్యాన్ని ప్రదర్శిస్తున్నాయి.