అతిపెద్ద మురికివాడ ధారావి @344 కేసులు

ఆసియాలోనే అతిపెద్ద మురికివాడ ముంబైలోని ధారావిలో కరోనా అంతకంతకూ విస్తరిస్తోంది. గడిచిన 24 గంటల్లో 14 కొత్త కేసులు నమోదు కావడంతో పాజిటివ్ కేసుల సంఖ్య 344కు చేరింది. ఇప్పటి వరకు అక్కడ 18 మంది మృత్యువాతపడ్డారు.

ఇక, మహారాష్ట్ర.. కేసుల నమోదు, మరణాల్లో దేశంలోనే తొలి స్థానంలో ఉంది. పాజిటివ్ కేసులు దాదాపు 10 వేలు చేరువయ్యాయి. గడిచిన 24 గంటల్లో రాష్ట్రవ్యాప్తంగా 597 కొత్త కేసులు నమోదు కావడంతో మొత్తం బాధితుల సంఖ్య 9,915కు పెరిగింది. తాజాగా 32 మంది వైరస్ ధాటికి బలయ్యారు. దీంతో మరణాల సంఖ్య 432కు చేరింది.

ఇక, రాష్ట్ర రాజధాని ముంబై కరోనా విలయం సృష్టిస్తోంది. రోజురోజుకు వందల సంఖ్యలో కేసులు నమోదు అవుతుండటంతో పరిస్థితి ఆందోళనకరంగా మారింది. తాజాగా బుధవారం ఒక్క రోజే ముంబైలో 475 కొత్త కేసులు పుట్టుకొచ్చాయి. దీంతో కేసుల సంఖ్య 6,644కు చేరింది. మొత్తం మరణాల్లో 26 ఇక్కడే చోటుచేసుకున్నాయి.

Tags: coronavirus, maharashtra, mumbai, dharavi, positive cases