శిశు విక్రయాల గుట్టు రట్టు

శిశు విక్రయాల ముఠా గుట్టును పోలీసులు రట్టు చేశారు. పోలీసుల విచారణలో ఏపీకి చెందిన 9మంది ఏజెంట్ల చిట్టా బయటపడింది. మగశిశువు ఖరీదు రూ.14లక్షలుగా ఈ ముఠా నిర్ణయించింది. తండాల్లో అధిక సంతానం ఉన్న పేదల నుంచి చిన్నారులను కొనుగోలు చేసి వారిని, సంతానం లేని దంపతులకు విక్రయిస్తారు. తల్లికి రూ. 70 వేలు ఇచ్చి, ఏజెంట్లకు రూ.లక్షల్లో మార్జిన్లను ఈ ముఠా ఇస్తోంది. దీనికంతటికీ సంతాన సాఫల్య కేంద్రాల నిర్వాహకులు మధ్యవర్తిత్వం వహిస్తున్నారని పోలీసుల విచారణలో తేలింది. ఇప్పటివరకు 14మంది శిశువులను అమ్మినట్టు సమాచారం. అయితే, మఠా ప్రధాన నిందితుడు పరారీలో ఉన్నాడనీ, అతడి కోసం గాలింపు చర్యలు చేపట్టినట్టు పోలీసులు తెలిపారు.